ဂဟေဆက်သင်တန်း အပတ်စဉ်(၁၆) သင်တန်းသားခေါ်ယူခြင်း

ပြည်ထောင်စုသမ္မတမြန်မာနိုင်ငံတော်အစိုးရ၊ သိပ္ပံနှင့်နည်းပညာဝန်ကြီးဌာနအောက်ရှိ နည်းပညာ၊ သက်မွေးပညာနှင့်လေ့ကျင့်ရေးဦးစီးဌာန နှင့် PTTEP International Limited (ရန်ကုန်ရုံးခွဲ) ရတနာစီမံကိန်း တို့ပူးပေါင်း၍ ရတနာဂဟေဆက်နည်းပညာသင်တန်းကျောင်း(အောင်ဆန်း) တွင် (၁၁.၉.၂၀၂၃) မှ (၁.၁၂.၂၀၂၃) ရက်နေ့အထိ (၃) လ ကာလတိုဂဟေဆက်သင်တန်း အမှတ်စဉ် (၁၆) အား ဖွင့်လှစ်သွားမည်ဖြစ်ပါသည်။

သင်တန်းကာလ

• ၂၀၂၃ ခုနှစ်၊ စက်တင်ဘာလ (၁၁) ရက်နေ့ မှ ဒီဇင်ဘာလ (၁) ရက်နေ့အထိ (၁၂ ပတ်)
• တနင်္လာမှ သောကြာနေ့အထိ (၈း၃၀) မှ (၄း၀၀) အထိ အချိန်ပြည့် တက်ရောက်ရမည် ဖြစ်ပြီး စာတွေ့ လက်တွေ့ လေ့ကျင့်သင်ကြားပေးမည်။

သင်တန်းတည်နေရာ

• ရတနာဂဟေဆက်နည်းပညာသင်တန်းကျောင်း(အောင်ဆန်း)၊ ကျောင်းဂိတ်မှတ်တိုင်အနီး၊ အောက်မင်္ဂလာဒုံလမ်းမကြီး၊ စဉ့်ငူရပ်ကွက်၊ အင်းစိန်မြို့နယ်။

သင်ကြားမည့်အကြောင်းအရာများ

• Thermal Cutting (Oxy-fuel and Plasma)
• Shield Metal Arc Welding
• Gas Metal Arc Welding (CO2)
• Gas Tungsten Arc Welding (Argon)

လျှောက်ထားလိုသူတို့၏လိုအပ်ချက်များ

• အခြေခံပညာအလယ်တန်းအောင်မြင်ထားပြီး အခြေခံအင်္ဂလိပ်စာနားလည်သူ
  
• အကျင့်စာရိတ္တ ကောင်းမွန်ပြီး လုပ်ငန်းခွင်နှင့် သင့်လျော်သော ကျန်းမာရေးရှိသူ
  
• အသက် (၁၈) နှစ်ပြည့်ပြီး အသက် (၃၅) နှစ်ထက် မကြီးသူ

လိုအပ်သောစာရွက်စာတမ်းများ

• သင်တန်းဝင်ခွင့်လျှောက်လွှာ
• (၆) လအတွင်းရိုက်ကူးထားသော ပတ်စ်ပို့ဆိုဒ်ရောင်စုံဓာတ်ပုံ (၂) ပုံ
• မှတ်ပုံတင်မိတ္တူ (မူရင်းယူလာရန်)
• ပညာအရည်အချင်းအတွက် ထောက်ခံချက်
• ရပ်ကွက်နေထိုင်ကြောင်းထောက်ခံစာ (မူရင်း)
• ပြစ်မှုကင်းရှင်းကြောင်းထောက်ခံစာ (မူရင်း)

လျှောက်လွှာတင်ရန်

• သင်တန်းဝင်ခွင့်လျှောက်လွှာများအား (၂၁.၈.၂၀၂၃) ရက်နေ့မှ စတင်၍ ရုံးဖွင့်ချိန် နံနက် (၉း၃၀) မှ ညနေ (၄း၀၀) အတွင်း ထုတ်ယူနိုင်ပြီး (၁.၉.၂၀၂၃) ရက်နေ့ နောက်ဆုံးထားပြီး ပြန်လည်လျှောက်ထားနိုင်ပါသည်။

လူတွေ့မေးမြန်းခြင်း

• လျှောက်ထားသူများသည် (၆.၉.၂၀၂၃) ရက်နေ့တွင် လူတွေ့စစ်မေးခြင်း (Interview) ဖြေဆိုရပါမည်။
• သင်တန်းတက်ရောက်ခွင့်ရရှိသူ (၁၅) ဦးစာရင်းအား (၇.၉.၂၀၂၃) ရက်နေ့တွင်ကြေညာပါမည်။

အထူးအစီအစဉ်များ

• အခမဲ့သင်တန်းဖြစ်ပါသည်။
• သင်တန်းသားအတွက် လိုအပ်သော ‌ဘေးအန္တရာယ်ကာကွယ်ရေးဝတ်စုံ (Personal Protective Equipment) အတွက် ကုန်ကျစရိတ်ထဲမှ ငွေကျပ် (၈၀,၀၀၀) ကို ရတနာစီမံကိန်းမှ ထောက်ပံ့ပေးမည်ဖြစ်ပြီး ကျန်ပမာဏကို သင်တန်းသားမှ ကိုယ်တိုင်ကျခံရမည်ဖြစ်ပါသည်။
• သင်တန်းတက်ရောက်နေစဉ်ကာလအတွင်း လစဉ် ငွေကျပ် (၃၀,၀၀၀) အား ရတနာစီမံကိန်းမှ ထောက်ပံ့ပေးမည် ဖြစ်သည်။
• ထူးချွန်သောသင်တန်းသားများကို လက်တွေ့ လုပ်ငန်းခွင်သင်တန်း (OJT) တက်နိုင်ရန် သင့်လျော်သောကုမ္ပဏီများသို့ စေလွှတ်ပေးမည်ဖြစ်ပါသည်။ (OJT ကာလအတွင်း ရတနာစီမံကိန်းမှ ထောက်ပံ့ကြေးပေးမည်ဖြစ်ပါသည်။)

ဆက်သွယ်ရန်

• ရတနာဂဟေဆက်နည်းပညာသင်တန်းကျောင်း(အောင်ဆန်း)၊ ကျောင်းဂိတ်မှတ်တိုင်အနီး၊ အောက်မင်္ဂလာဒုံလမ်းမကြီး၊ စဉ့်ငူရပ်ကွက်၊ အင်းစိန်မြို့နယ်။
• ဖုန်း – ၀၉၇၇၇၃၈၇၃၆၉၊ ၀၁-၆၄၅၇၅၉ သို့ ရုံးချိန်အတွင်း နံနက် (၉း၃၀) မှ ညနေ (၄း၀၀) အတွင်း စုံစမ်းနိုင်ပါသည်။